|
|
Мамандықтар. Осы шақ. 7 сынып
|
| 21.11.2014, 07:16 |
Сабақтың тақырыбы: Мамандықтар. Осы шақ.
Сабақтың мақсаты:
Оқушыларға мамандық жайлы түсінік беру. Осы шақ етістіктерін дұрыс қолдана білуге үйрету.
Міндеттері:
- оқушыларға мамандықтың түрлері мен олардың маңыздылығын көрсету
- болашақта мамандыққа деген көзқарастарын қалыптастыру;
- оқушылардың ауызекі сөйлеу тілдерін дамыту
-оқушылардың мамандыққа деген қызығушылықтарын ояту
Сабақтың барысы:
I. Ұйымдастыру кезеңі:
1.Сыныппен амандасу:
- Балалар, бүгін бізде ерекше сабақ. Біздің сабағымызға қонақтар келіп отыр.
1-слайд: Мейірімді жүрекпен,
Ақпейілді тілекпен,
Амандасып алайық,
Бір жадырап қалайық!
II. Жаңа сабақ.
- Балалар бүгінгі біздің сабағымыздың тақырыбы «Мамандықтар. Осы шақ» деп аталады. Бүгін біз сабағымызда қандай мамандықтар бар, әр мамандық иесінің атқаратын жұмыстары жайлы әңгімелейміз, сөйлесеміз. Және сонымен қатар етістіктерді осы шақта дұрыс пайдалануға үйренеміз
Дәптерлерімізді ашып бүгінгі күнді,тақырыпты жазып қойыңдар.
Кесте бойынша жұмыс : осы шақ етістіктердің жасалуын кестеден қарап қайталау.
Етістіктің шақтары. Осы шақ
Тұр
Отыр + жіктік
Жүр жалғау
Жатыр
Мысалы:
Тұр + мын жүр + сің отыр + мыз
Түбір -п, -ып, -іп тұр жіктік
етістік + -а, -е, -й + отыр + жалғау
жатыр
жүр
Мысалы:
Оқы + п отыр + мын
Бар + а жатыр + сың
Кел + е жатыр + мыз
2-5 слайдтар: мамандық суреттерге қарап, мамандық атауларын дұрас айтып үйрену.
6-7 слайдтар: Сөздік жұмысы:
- Ал енді тақтаға қараймыз. Жаңа сөздермен танысамыз.
Мамандық, кәсіп - профессия
* Мұғалім - учитель
* Дәрігер - врач
* Наубайшы - пекарь
* Аспаз - повар
* Полиция қызметкері - полицейский
Теңізші - моряк
* Сатушы - продавец
Балташы - столяр
Егінші, диқан - полевод, земледелец
* Сауыншы - доярка
* Шаштараз - парикмахер
* Тігінші - швея
Почташы - почтальон
Саяхатшы - турист
* Кітапханашы - библиотекарь
8- слайд : Белгіленген сөздермен сөйлемдер құрастыру.
Мысалы: Дәрігер адамдарды емдейді
9-слайд: Мәтінмен жұмыс
Мамандықтар
Мамандықтың түрі көп. Олар: дәрігер, мұғалім, наубайшы, аспаз, жүргізуші, полиция қызметкері, теңізші, сатушы, балташы, егінші, сауыншы, шаштараз, тігінші, почташы, саяхатшы, кітапханашы және тағы басқалар.
Мамандықтардың барлығы адамға керек. Әр мамандықтың өз ерекшелігі болады. Дәрігер адамдарды емдейді. Мұғалім балаларды оқытады. Наубайшы нан пісіреді. Жүргізуші машина жүргізеді. Егінші егін егеді. Шаштараз шаш қияды. Кітапханашы кітап береді. Аспаз тамақ даярлайды.
Барлық мамандықтар жақсы, қызықты. Әр адам өзіне ұнаған мамандықты таңдап алады.
10-слайд: 1-тапсырма:
Мәтінді пайдалана отырып, көп нүктенің орнына керекті сөздерді қойып жазыңдар.
... адамды емдейді
... балаларды оқытады
... тамақ дайындайды
... азық-түлік сатады
... нан пісіреді
... егін егеді
... шаш қияды
... кітап береді
... сиыр сауады
... киім тігеді
2-тапсырма: Мәтіннен етістіктерді теріп, осы шақ етістікке қойып жазыңдар.
3-тапсырма: Төмендегі етістіктерді осы шаққа қойып, жалғауларын жалғаңдар (ауызша)
Істеу, өсіру, алу, тарту, білу.
11-слайд: Сергіту сәті
Қолды белге қояйық,
Басты оңға бұрайық.
Басты солға бұрайық.
Бір отырып, бір тұрып,
Бір отырып, бір тұрып,
Біз демалып қалайық.
«Қайдан келдің, бауырсақ?» - сахналау
12 слайд: Жұмбақтар шешу:
Ала таяқ ұстаған,
Жол тәртібін нұсқаған.
Өміріңді күзеткен,
Ысқырығы күшті адам.
Айлар бойы жүзедi,
Жердi көрмей жүредi.
Ақ жал таумен алысқан,
Адамды кiм бiледi?
Өрнектеп, сәндеп,
Тiгiстерiн бүгетiн.
Солпысын жөндеп,
Кiм көйлек тiгедi?
Қалпағы ақ қарасаң,
Дәрiгер емес, бiрақ ол.
Дәм мәзiрiн қаласаң,
Алға ұсынып тұрады ол.
Өскен шашты жаратпайтын,
Қайшысы бар жалақтайтын.
13-слайд: Сөздерді дұрыс құрастырыңдар
Рәдігер апзас зшашарат енігші суаышны лұмаміғ шітігін шітігін
14-слайд: Артық сөзді тап
1) Мұғалім оқушы дәрігер
2) Наубайшы аспаз шаштараз
3) Жазады оқып отыр ойлап тұр
15-слайд: Сабақты бекітуге арналған жаттығу «Қарлы кесек» ойыны
Оқушылар кезекпен сабақта танысқан жаңа сөздерді айтады.
16-слайд: Үйге тапсырма:
“Кім болғым келеді?” тақырыбына шағын әңгіме құраңдар.
Үлгі:
...... болғым келеді
Мен ...... болуды армандаймын
...... болғанды ұнатамын
Өйткені .... ...... .
Ол үшін білім керек. Білім алу үшін еңбек ету керек
Бағалау.
|
|
Категория: Казахский язык и литература | Добавил: MiraSerikovna
|
| Просмотров: 1398 | Загрузок: 0
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
|
|
