Батыс Қазақстан облысы Жәнібек ауданы Жәнібек ауылы
Жалпы білім беретін Т.Жароков атындағы орта мектебінің
бастауыш сынып мұғалімі
ХАЙЫРЛИЕВА ГҮЛНӘР СЕРІКҚЫЗЫ
Тақырыбы: Қыркүйектің бірінде,
Біріншіге барғанмын.
Теріп білім жемісін,
Оқып, жаза аламын.
Мақсаты: 1. Оқушыларға екі ай ішінде барлық пәндерден алған білімдерін ата-аналарының алдында «күз байлығындай» жиып, көрсете білу.
2. Сөздік қорларын молайту, білім-білікке құштарлығын дамыта түсу.
3. Ұйымшылдыққа баулу.
Көрнекі-жабдығы: интерактивті тақта, слайдтар, шарлар, гүлдер.
Барысы: І. Ұйымдастыру бөлімі.
ІІ. Шаттық шеңбері. 1-слайд.
«5» болсын алар бағамыз,
Білімнен бақыт табамыз.
Өнер, білім көп біліп
Өсе берсін санамыз.
ІІІ. Ата-аналар үшін тосын сый, ал оқушылар үшін ерекше сабақ. Олай болса, бүгінгі сабағымыздың тақырыбы: 2-слайд.
Қыркүйектің бірінде,
Біріншіге барғанмын.
Теріп білім жемісін,
Оқып, жаза аламын, - деп бүгін күздің екінші айының соңғы күндерінің бірі.
- Балалар, күз мезгілі туралы не айтуға болады? Күз дегеніміз не?
- Балалар өз ойларын ортаға салады.
- Міне, балалар күздің берері көп. Сондықтан күзді тамашалай отырып, оның байлығын біздер де қалай жиып-тердік екен, ата-аналарымызға көрсетіп, қуантып көрелік.
ІV. Слайд саяхатпен жұмыс.
- Жұмбақ шешу арқылы слайдты ашу.
Таңдайынан дәмі оның,
Жыл бойына қалмаған.
Білсең, қане, айта ғой,
Не жасайды алмадан?
- Ал, кәне кеттік «Алма бағына». 3-слайд. (Шашылған әріптер-алмалар).
А Д Б У Ғ Н О М Ш С
Ж Ұ Й І Қ Ң Ы Т П К Л Е
(дыбыстарды атау, әр дыбыстың бір-бірінен ерекшелігін айту. Мысалы: А –дауысты, жуан. Т – дауыссыз, қатаң).
Ән: «Әліппе».
4-слайд. Ана Бала Отан (сөздерін ашу).
- Келесі жұмбақты тыңдап көрейік.
Босқа қарап жатпаймын,
Бақша күтіп баптаймын.
Мен кіммін?
Балаларға ең шырын
Балдай қауын сақтаймын.
Кім туралы айтылған екен? Бағбан. Олай болса, бағбан атамызға барып, қауын-қарбыз, асқабақ жинап қайталық.
5-слайд. Бақшада (қарбыз – сандар 0 1 2 3 4 5, қауын – сандар 5 4 3 2 1 0) сандарды қалай санадық? (тура, кері).
Асқабақ өрнектерді оқу, мәнін табу. Теңсіздіктерді оқу.
5-2 4-3 5-4 2+2 3-2
4-3 3+2 0+5 1+1 3-1
5>4 3>2 4=4 3<5 2<4
6-слайд. Қауын – қарбыз, асқабақтар араласып жатыр. «Санамақ» айту.
Сергіту сәті. Тербеледі ағаштар,
Алдымнан жел еседі.
Кіп-кішкентай ағаштар,
Су құйғанда өседі.
7-слайд. Олай болса, «Орманға саяхат» жасап қайталық. Орманда қандай ағаштар өседі? Тал, терек, қайың, шырша, емен. Ал емен ағашы туралы не білеміз?
Емен. (суретімен).
8-слайд. Емен – ағаш. Шеберлер ағаштан бұйымдар жасайды. Еменнен жасалған парталар мықты болады. Емен ағашына қамқорлық жаса.
9-слайд. Сынып ішіндегі парталар көрінісі.
Парта, парта, партам-ау,
Саған сенім артам-ау.
Оқып, жаза алғаным,
Бір өзіңнің арқаң-ау.
Ән: «Мектеп».
Ал, енді мына жұмбақты тыңдап, шешіп көрелік.
Ағайынды бәрі,
Шықса жасыл,
Түссе сары. (жапырақ).
10-слайд. Олай болса, «Күзгі баққа» барып, жапырақтар жинайық. Жапырақтардың тапсырмалары қандай екен, айтып көрелік.
- А дыбысына қандай тақпақ айтасың?
- «Торғай» өлеңін айтып көр.
- «Р-ға» тілің келе ме? өлеңін айтып көрші.
- Бір тілім боп туады,
Күннен-күнге толады.
Дөп-дөңгелек болады
Түнде күлімдейді,
Суда дірілдейді. (Ай).
- «Етікші» өлеңін жазған кім? Айтып бер.
Ал қалған жапырақтарды ән айта жүріп, жинап көрейік. «Төлдер», «Біз өмірдің гүліміз», «Гүлім» әндері орындалады.
VІ.Қорыту. Флеш-моб. «Қара жорға».
Міне, күзгі жиын-терініміз, сыйымыз осындай. Қатысқандарыңыз үшін, еңбектеріңіз үшін үлкен рахмет.
|