Батыс Қазақстан облысы

Жәнібек ауданы

Е. Ниетқалиев атындағы жалпы білім беретін мектебі

Джумагалиева Гульмира Алибековна

Бастауыш сынып мұғалімі

Қазақ тілі, 2 - сынып

Сабақтың тақырыбы: Сан есім

Сабақтың мақсаты: а) Сан есім туралы түсінік беру. Сөйлемнен сан есімді     

                                          таба білуге үйрету.

                                  ә) Балаларды кішіпейілділікке, адамгершілікке, адалдық-

                                      қа, ұқыпты болуға тәрбиелеу.

                                  б) Оқушылардың ақыл – ойын, байқағыштық қабілеттерін

                                      каллиграфиясын жетілдіру.Сөздік қорын, күнделікті

                                      сөйлеу тілін дамыту.

Сабақтың түрі:            аралас

Сабақтың әдісі:       ауызша, көрнекілік, практикалық, сұрақ-жауап, ойын.

Сабақтың  көрнекілігі: «Ойлан!» кестесі, домбыра, киіз үй құрылысы

Пәнаралық байланыс: математика

Сабақтың барысы: I. Ұйымдастыру бөлімі

Оқушылармен амандасу, оқу құралдарын түгендеу.

                          II. Үй тапсырмасын тексеру.

Ережені сұрау. 400 – жаттығу.

                                 III. Жаңа сабақ

• Балалар, біз бүгін зерттеуші болып үйренеміз. Мен сендерді зерттеуші болуға шақырамын. Ал мен ғылыми жетекшілерің боламын. Біз енді сабағымызды математика сабағымен байланыстыра отырып, мынау бір ойынмен сөз табайық.

• Бұл ойынның сырын таптық. Енді мына суретке қарайық.
• Бұл суреттен не көріп тұрсыз? (киіз үй)
• Киіз үй жабдықтарын атап беріңдерші.  (шаңырақ, уық, кереге т.б.)
• Енді осы киіз үйдің шаңырағын зерттейік. (зат есім, сан есім, сын есім, етістік)
• Қане, бәріміз ережесін еске түсірейікші.

Сұрақтар:

1. Зат есім деген не?
2. Зат есім нешеге бөлінеді?
3. Зат есімнің сұрақтары.
4. Етістік деген не?
5. Етістіктің сұрақтары.
6. Сын есім деген не?
7. Сын есімнің сұрақтары.

Сұрақ – жауап.

• Сен нешінші сыныпта оқисың?
• Сен неше жастасың?
• Нешінші партада отырасың?
• Сыныпта неше оқушы бар?
• Неше терезе бар?

Оқулықпен жұмыс.

401 – жаттығу.

• Екі көзің не үшін керек?
• Жақсыларды көру үшін.
• Екі қолың не үшін керек?
• Елге көмек беру үшін.
• Осы өлеңде қарамен жазылған сөз қайсы? Оған қандай сұрақтар қоямыз? Енді не байқадыңдар? Біз зерттеушілерміз, ал енді кім сан есімнің ережесін айтып береді? (1 – 2 оқушы өз түсінгендері бойынша айтып береді?

Ережемен жұмыс.

• Заттың санын, ретін білдіретін сөздерді сан есім дейміз. Сан есімдерге Қанша? Неше? Нешінші? деген сұрақтар қойылады. Мыс: бес, жеті жүз, екінші, он алтыншы.

Дәптермен жұмыс.

Көркем жазу.

402 – жаттығу.

Жұмбақты көшіріп жаз, шешуін тап.

Тоғыз белбеу, қос жібек,

• Екі мұрын, бір шүмек. (домбыра)
• Енді математикалық ойын – есепті зерттейік.

Табақта 15 алма,

Қолымда 4 алма.

Барлығын қосқанда,

Болады неше алма?

Екеуін бердім апама,

Екеуін алды атам да.

Екеуін бердім әке-шешеме,

Үшеуін алды інім де.

Нешеуі қалды өзімде?

Ішінен сан есімді табу.

Мақал – мәтелдерден сан есімді табу.

1. Жігітке жетпіс өнер де аз.
2. Бір күн дәм татқанға – мың күн сәлем.
3. Мың қосшыға – бір басшы.
4. Ер қаруы – бес қару.
5. Елу жылда – ел жаңа.

Мақал – мәтелдерден сан есімдерді табу, мағынасын ашу.

                       IVЖаңа сабақты қорытындылау.

Сұрақ – жауап:

• Сонымен сан есім дегеніміз не?
• Қандай сұрақтарға жауап береді екен?
• Мысал келтірейікші.
• Кім толық ережесін айтады?

«Жалғастыр» ойыны.

 1 – топ сан есім айтса, 2 – топ зат есім тіркеп айтулары керек.

• Міне бүгін өзім үшін үлкен жаңалық аштым. Болашақта сіздерден үлкен әріппен жазылатын нағыз зерттеуші шығады деп ойлаймын. Бұл сіздердің бүгінгі сабаққа белсене қатысып, барлық тапсырмаларды өте жақсы орындағандарыңнан көрініп тұр. 
• Енді мына сыр сандықты ашайық. Мұндағы шарларда әріптер жазылған. Сол әріптерден сөз құрастырайық. («Рақмет!» сөзі )

V. Үйге тапсырма.  404 – жаттығу. Ереже жаттау.

VI. Бағалау.