Жаниязова Зубайра Сайлаубайқызы
Қызылорда қаласы
№ 136 Т Жүргенов атындағы мектеп-лицей

Сабақтың тақырыбы:Тарихы терең туған қалам.
Сабақтың мақсаты:Оқушылардың өз туған жерлері туралы білімдерін м олайту,туған жерлерінің тарихын білуге деген құштарлықтарын арттыру,Қызылорданың  тарихынан мағлұмат беру.
Көрнекілігі:Слайд,шарлар,буклет,жерлес атақты ақын,жазушылардың суреттері

Сабақтың барысы:
Білем сені,сүйем сені
Сырдың сұлу қарт анам
Сенсің мені әлдилеген
Туған сенен мен балаң.
деп Әбділда ағамыз жырлаған Қызылорда қаламыз көркеюде.Бүгінгі Қызылордада-ежелгі Сыр бойындағы көне шахарлардың заңды жалғасы. Қазіргі күнде Қызылорда  қаласы республикамыздың әкімшілік өндіріс, мәдени орталықтарының бірі.
Бүгінгі жарыс сіздерге қаланың өткені мен бүгіні жайлы тарихи деректер негізінде мағлұматтар алуға ,әрі өз білімдеріңізді көрсетуге мүмкіндік береді.
Қазір сіздерді әділқазылар алқасының құрамымен таныстырып өтейін.(Әділқазылар алқасы  3 адамнан тұрады).
Өмір маған құшағын жайса дәйім,
Жарқылдатып жүремін найзағайын.
Майыспаймын қашан да елім үшін,
Махамбеттер ұстаған найзадайын.
I. Әр оқушы өзі таңдаған сұраққа жауап береді.
1-кезең сұрақтары
1.Қай орда, мынау орда
Қызылорда
Төбесі күнге жалғас қызық орда
Есігін еңбекшіге ашып қойып
Қаратты күлімдете жүзін орда
Авторы кім? (С.Мұқанов)
2.Қызылорда Сырдарияның қай жағында орналасқан?  
3.Қызылорда вальсі әні қай жылы шықты?
4.Ақмешіт қамалы қай жылы,қандай жағдайға байланысты Перовск атанды?
5.Қаланың  Ақмешіт атының қайта берілуіне қандай жағдай себеп болды?
6.Қазақтың Островскииі атанған қаламы жүйрік белгілі жазушы,ақын,жерлесіміз кім?
7.Облыстық тарихи өлкетану музейі қай жылы ашылды?
8.Сыр сұлуы халық ән би ансамблі қай жылы құрылды?
9.Сыр бойының көне қалаларын атаңыз?
10.Қызылордаға дейінгі астана қай қала?
11.Сырдария өзенінің бұрынғы аты?
12.Қаладағы темір жол вокзалы қай жылы салынды?
13.Қызылорда қаласы қай жылы астана болды?

II.кезең: Слайдпен жұмыс
Әр оқушы Қызылорда қаласының  жетістігін айтып шығады .
Туған елім-гүл елім,
Қасиетіңді білемін.
Өзіңе деп жүремін-
Лүпілдеген жүрегім
III.кезең:Тақтадағы қала суреттерін танып,қай жерде орналасқанын айтып өтеді.
IV.кезең:Қызылорда туралы ән ырғағына оқушы қосылады.
Ең соңында қалған екі оқушы конвертте жасырылған зат арқылы көне қала атауын табу.
1)қаланың суреті және қамыс ( Қамыс қала)
2)Мешіттің суреті және ақ бор (Ақмешіт)

Қорытынды: Жеңіске жеткен оқушы марапатталады.
Бүгінгі жарысымызды Әбілда ағамыздың
Менің Мысырымда сенсің,
Меккем де сенсің
Сен менің  туған қаламсың
Туған Қызылордамсың.
деген өлең жолдарымен аяқтағым келеді.