Батыс Қазақстан облысы
Орал қаласы
№26 ОЖББ мектебінің орыс
сыныптарындағы қазақ тілі мұғалімі
Сисенбаева Бақыт Есенқызы
Сабақтың тақырыбы: Жазғы табиғат. Жіктеу есімдігі.
Сабақтың мақсаты:
а) Оқушылардың білім деңгейін арттыру, сауатты оқып,жазуға үйрету
ә)Оқушылардың сөздік қорын дамыту, ауызекі сөйлеу деңгейін көтеру
б)Оқушыларды жазғы табиғат туралы сөйлете отырып, мейірімді, өнегелі болуға, табиғат құндылықтарын қорғауға, аялауға тәрбиелеу.Олардың адамгершілік сана-сезімін ояту.
Көрнекілігі: слайд шоу,
Пәнаралық байланыс: әдебиет, музыка, тарих
Әдіс-тәсілдері: сұрақ-жауап, топтық жұмыс
Сабақ барысы:
Ұйымдастыру бөлімі: Оқушылармен амандасу, түгелдеу, сабаққа жұмылдыру
Шаттық шеңберін құру: Жіктеу есімдіктерін пайдалана отырып, өзінің, көршісінің бойындағы қасиеттерін паш ету, өз-өзіне деген сенімділігін қалыптастыру
Мысалы: мен ақылдымын, сен әдемісің, ол қайратты, белсенді...
Үй тапсырмасы: Жаз.Есімдік.
І топ: А.Құнанбаев пен Қ.Мырзалиевтің «Жаз» өлеңдерін Венн диаграммасы арқылы салыстыра отырып әңгімелеу, жатқа оқу,ережені жаттау
ІІтоп: Диалог бойынша сөйлеу, «Жаз» өлеңін жаттау, есімдіктерді қолданып сөз тіркестерін жазып келу
ІІІ топ: Тақырып бойынша әңгімелеу, есімдіктерді қатыстырып сөйлемдер құру
(Сөздік сұралып, әр топқа ауызша сұрақтар қойылады)
Жаңа сабаққа өту барысы:
Жазғы табиғат.Жіктеу есімдігі.
Тақырыпқа байланысты жұмбақ жасыру:
Күн де ысып,шөп пісіп,
Ел пішенін орады.
Бұл қай кезде болады? (Жазда)
Сөздікпен жұмыс:
Сөздерді 1 минутта жаттап, әр топтың қанша сөз жаттағанын есептеу, сөздерден сөйлемдер құрау:
Қармақ- қыздырыну-
Шомылу- тасу-
Асырау- теру-
Секіру- жаңбыр,нөсер-
Мақал-мәтелдердің мағынасын ашу:
Қыс азығын, жаз сайла.
Жаздың бір күні қыстың мың күнін асырайды.
Кестемен жұмыс:
Кесте бойынша сөйлемдер құрастыру
|
Жыл мезгілі
|
Айлары
|
Күндер
|
Түндер
|
Ауа райы
|
|
жаз
|
Маусым
Шілде
Тамыз
|
ұзақ
|
қысқа
|
Күн ыстық
Кейде жылы болады
Кейде жаңбыр не нөсер болады
|
«Жазғы табиғат» суретін пайдалана отырып, әңгіме құрау:
Жаз мезгілі.Күн ыстық.Балалар суға шомылып жүр.Асан күнге қыздырынып жатыр.Қанат пен Самат жағада ойнап жүр.Балалар өте көңілді. Анам демалып отыр.Маған жаз мезгілі ұнайды.
Мәтінмен жұмыс:
«Летом» мәтінін оқып, аударып, деңгейлік тапсырмаларды орындау:
ІІІ деңгей
1.Жаз айларын атаңдар.Жазда ауа райы қандай болады?
2.Мәтіннен бірнеше сөйлем жазып, сөйлемнің бастауышы мен баяндауышын табыңдар
3.Бар, кел етістіктерін өткен шақта жіктеңдер.
ІІ деңгей
1.Жоғарыдағы кестені пайдалана отырып, жаз мезгілі туралы өз сөздеріңмен айтып беріңдер.
2.Жоғарыдағы мақал-мәтелдерді аударып,мәнін түсіндіріңдер.Осы мәтелдер бойынша шағын әңгіме құраңдар.
3. Жаз, бер етістіктерін өткен шақта жіктеңдер.
І деңгей
1.Қ. Мырза Әлидің «Жаз» өлеңі бойынша сурет салыңдар.
2.Жаз туралы қандай ақын-жазушылардың өлеңдерін білесіңдер?Айтып беріңдер.Олардың бәрі бірдейжазды суреттеген бе? Ұқсастықтары мен өзгешеліктерін көрсетіңдер.
3.Жаз туралы шығарма жазыңдар.
4- тапсырма.
Мына сөздерден жіктеу есімдіктерін пайдалана отырып сөйлемдер құраңдар.
Қармақ, ыстық, аулау, нөсер, шомылу, асырау, тасу, секіру, жүзу, шығу, қыздырыну.
Бекіту сұрақтары:
3 топқа сұрақтар жазылған билеттер беру.
1- билет
1.Жазда ауа райы қандай болады?
3.шомылу,келу етістігін ауызша жіктеңдер.
2-билет
1.Жаз айларын ата?
2.Жіктеу есімдіктерін қатыстырып сөйлемдер жаз
3-билет
1.Жазғы демалыста не істейсіңдер?
2.Жаз туралы қандай мақал-мәтел білесіңдер?
Үй тапсырмасы:
ІІІ деңгей
- «Жазғы табиғат» тақырыбына диолог құрастыру.
- Айт, бар етістіктерін жіктеу.
- Сөздікті жаттау.
ІІ деңгей
1. «Жазда» мәтінін әңгімелеу.
2. Жіктеу есімдіктерін қатыстырып сөйлемдер құрау.
3. Мақал-мәтелдерді жаттау.
І деңгей
1. Мақал-мәтелдердің мағынасын ашу.
2. Көркем әдебиеттерден жіктеу есімдікті сөйлемдер жазып келу.
3 . «Жазғы табиғат» тақырыбына реферат жазып келу.
| 
